​Хүүхдийн хадгаламжинд банк бүр хэдэн төгрөгийн хүү тооцож олгодог вэ?

  • 2014 / 05 / 20

Ердөө 10 гаран хоногийн дараа хүүхдийн баяр болох гэж байна. Банкууд ч хадгаламж нээсэн хүмүүст янз бүрийн урамшуулал, бэлэг зарлаад эхэллээ.
Гэвч та шууд хадгаламж нээчих гэхээр хэдий хэмжээний хүү орохыг нь тооцож чадахгүй байна уу?
Банкууд өөрсдийнхөө хадгаламжийг хамгийн өндөр хүүтэй, эсвэл хүүгээс хүү боддог гэх мэтээр янз бүрээр сурталчилдаг. Харамсалтай нь хүмүүс яг бодитоор хэдэн төгрөг хуримтлагдахыг тооцож чадахгүй байгаа нь нууц биш. Үнэндээ банк бүрийн хүүгээ тооцдог аргыг ойлгоод, түүний дагуу тооцож, харьцуулна гэдэг ердийн мань мэтэд байтугай банкны ажилтанд ч хэцүүхэн даалгавар.
Иймээс бид хүмүүст дэм болох үүднээс банкууд хүүхдийн хадгаламжинд хэдий хэмжээний хүү тооцож олгодогийг хялбар жишээн дээр үзүүлэв.
Ердөө маш энгийн жишээ. Та хүүхдэдээ 100,000 төгрөгөөр хадгаламж нээгээд, дараа сараас нь сар бүр 20,000 төгрөг хийгээд явбал 2 жилийн дараа таны хүүхдийн хадгаламжинд хэдий хэмжээний мөнгө хуримтлагдахыг банк бүрээр нь тооцож үзье.

2014 оны 5 дугаар сарын 20-ны байдлаар хадгаламжийн хүүгийн мэдээллийг орууллаа. 

Хүснэгтээс харахад банкны зарлаж байгаа хүүнээс гадна хүүгээ тооцдог аргыг нь давхар мэдэх хэрэгтэй юм байна.
Дараа дараагийн нийтлэлээрээ бид банкуудын хүү тооцдог аргыг ч та бүхэнд танилцуулах болно.
Танд зөвлөхөд хадгаламж нээхээсээ өмнө тухайн банкны ажилтнаар яг хэдэн төгрөгийн хүү бодогдож орохыг нь тооцуулж үзэхэд илүүдэхгүй шүү.

Хүүхдийн хадгаламжийн хүүг нэг дороос үзэхийг хүсвэл энд дарна уу.

Санхүүгийн боловсролд

Асуулт, хариулт

dollariin hadgalamiiin talaar zuwluguu uguuch. Tugrugiin hadgalamjaas her ashigtai we

2020/08/05-ны байдлаар банкуудын дундаж хүүг судалж үзлээ. 1 жилийн хугацаатай төгрөгийн хадгаламжийн хүү дунджаар жилийн 12.86 хувь байна. Харин долларын хадгаламжийн жилийн хүү дунджаар 4.47% байна. Зөрүү нь жилийн 8.4%. Хэрэв цаашид долларын төгрөгтэй харьцах ханш жилийн хугацаанд 8.4 хувиас илүүтэй өсвөл танд долларын хадгаламж ашигтай. Үүнээс бага хувиар өсвөл танд төгрөгийн хадгаламж ашигтай. Харин долларын ханш ирэх 1 жилийн хугацаанд хэдэн хувиар өсч, буурахыг одоогоор зөвлөж, мэдээлж байгаа газар байхгүй байна. Өнгөрсөн хугацаанд ямар байсныг бид 10 жилийн дунджаар судалж үзсэн бөгөөд 5 жилд нь төгрөгийн хадгаламж илүү өгөөжтэй, 5 жилд нь долларын хадгаламж илүү өгөөжтэй байсан. Танд өгөх үүнээс илүү зөвлөгөө мэдээлэл бидэнд алга. Та бидний бэлтгэсэн "Доллар, төгрөгийн хадгаламжийн аль нь ашигтай вэ" гэдэг нийтлэлийг http://www.mongo.mn/c/218 хаягаар орж уншина уу.

52 weeks savingnii talaar. Week aldahgui togtmol orlogo hiih hadgalamj. Uuriin buruugaas bolood orlogo hiigeegui bol togtooson huun deer nemeed uramshuullaa avahgui hadgalamj. Hamgiin gol ni 52 weeks d banknii uil ajillagaa dogoldood haagdval uramshuullaa avahuu? Ene talaar gereen deer tusgagdaagui bolohoor avahgui baih magadlal undur gesen ug uu?

Сайн байна уу? Таны асуулт хадгаламжийн даатгалтай холбоотой асуулт байна. 20 сая төгрөгөөс доош дүнтэй бүх хадгаламжийг Хадгаламжийн Даатгалын Корпораци даатгасан байдаг. Хэрэв таны үйлчлүүлж буй банк 52 долоо хоногт буюу жилийн дотор үйл ажиллагаа нь доголдвол 20 сая хүртэл дүнтэй таны хадгаламж болон хүү нь даатгагдсан байгаа. Иймд таны хадгалуулсан мөнгө болон хүү нь 20 саяас бага дүнтэй бол та эрсдэлд учрахгүй, даатгалаас мөнгөө авна гэсэн үг. Хэрэв 20 саяас өндөр дүнтэй бол 20 сая хүртэлх дүнг даатгалаас нөхөн төлнө. 

Engiin hugatsaatai hadgalamj neelgeed sar bur uur uur orlogo hiij boloh uu?

Болно. Гэхдээ орлого авдаг хадгаламжийг нь нээлгээрэй.

Хадгаламж