​Та орон сууцны зээлийн хүүнд нь их мөнгө өгөөд байна уу?

  • 2014 / 05 / 09

Банкны зээлээр байр авахын өмнө тооцоо хийж үзэхэд 20 жилийн дараа авсан зээлээ нугалж төлөхөөр харагддаг. Энэ нь танд таатай санагдахгүй нь мэдээж. 

Нэн ялангуяа эхний жилүүдэд төлж байгаа мөнгөний дийлэнхи нь хүүнд, тун бага хэсэг нь зээл рүү орж байгааг та харах болно. Хойшдоо бага багаар ч гэсэн ч хүүнд төлж байгаа мөнгө багасч, 10 жилийн дараа төлж байгаа мөнгөний тал нь хүүнд, тал нь зээл рүү орж эхэлнэ. Цаашдаа аажмаар зээлд төлж байгаа мөнгө ихэссээр, хүүнд орох мөнгө багасдаг.

  •                               
  • Банк зээлийн үлдэгдлээс хүү боддог. Иймд зээл багасахын хэрээр, хүүнд төлөх мөнгө түүнд бодогдож буй хүүний төлбөр буурч буй зүй тогтол ажиглагдаж байна.

Жилийн 8%-ийн хүүтэй, 20 жилийн хугацаатай 60,000,000 төгрөгийн орон сууцны зээлээр жишээлэн тайлбарлая.

Доор зээл авсан эхний 3 сар, 10 дахь жилийн эхний 3 сар, 20дахь жилийн сүүлийн 3 сарын зээл төлөх хуваарь байна.

Эхний жилийн эхний 3 сар нийт төлөлтийн дүнгийн 79%-д нь хүү төлж байна.

  • Он/сар     Төлбөр   Үндсэн төлбөр   Хүүгийн төлбөр     Нийт хүү    Зээлийн үлдэгдэл
  • 2014/06     501,864       101,864            400,000            400,000           59,898,136
  • 2014/07     501,864       102,543            399,321            799,321           59,795,593
  • 2014/08     501,864       103,227            398,637            1,197,958        59,692,366

10дахь жилийн эхний 3 сар 3 сар нийт төлөлтийн 55% нь хүү төлж байна.

  • 2024/01     501,864        218,713           283,151            40,470,140       42,253,916
  • 2024/02     501,864        220,171           281,693            40,751,833       42,033,745
  • 2024/03     501,864        221,639           280,225            41,032,058       41,812,106

20дахь жилийн сүүлийн 3 сар нийт төлөлтийн 3%-д хүү төлж байна.

  • 2034/03     501,864         491,959           9,905              60,437,435         993,803
  • 2034/04     501,864         495,239           6,625              60,444,061         498,565
  • 2034/05     501,864         498,540           3,324              60,447,384              0

Ингээд анх 60,000,000 төгрөгийн зээлийг:

  • 20 жил төлөх бол хүүд 60,447,384 төгрөг, нийт 120,447,384 төгрөг
  • 15 жил төлөх бол хүүд 43,210,467 төгрөг, нийт 103,210,467 төгрөг
  • 10 жил төлөх бол хүүд 27,355,841 төгрөг, нийт 87,355,841 төгрөг төлж зээлээ хаахаар байна.

Зээлийг урт хугацаагаар авах тусам их хүү төлөх боловч сар бүр бага мөнгө төлнө.

Хугацаа богино байх тусам бага хүү төлөх боловч сар бүр төлөх мөнгө нэмэгдэнэ.
Харин та ямар шийд гаргах вэ? 

Та орон сууцны зээлийн хүүнд нь их мөнгө өгөөд байна уу? 

Хариултыг танд үлдээе.

Санхүүгийн боловсролд

Асуулт, хариулт

Сайн байна уу. 5-н жилийн өмнө ипотекийн 8%-ийн зээлээр байр авсан.Одоо энэ байраа өөр байршилд сольж байрьцаагаа шилжүүлэн зээлээ төлж болох уу.

Болохгүй

sain bna uu bi tanidag huniihee 8huviin zeeliig urgeljluulj tolood avah gej baigaa ymaa ene tohioldold yah ystoi ve tsaashdaa urgeljluulj tolood ooriih bolgoj boloh bolvuu?

Та өөртөө болон нөгөө хүндээ маш эрсдэлтэй алхам хийх гэж байна. Банк энэ тохиолдолд огт оролцохгүй. Тэд байрыг барьцаалсан хэвээрээ, таныг төлбөрөө төлж дуусгах ёстой гэж шаардана. Хэрэв худалдан авах хүн нь банкны шалгуур хангаж байгаа бол банкнаас зээл хөөцөлдөөд тэр зээлээрээ таны байрыг худалдан аваад цаашид тухайн банктайгаа бие даан харилцаж явах нь зөв. Сүүлийн үед банкууд 8 хувийн зээл судалж эхэлсэн тул та ийм арга зам бодоорой. 

Сайн байна уу. Манай нөхөр 8%-ийн зээл авч 2 өрөө байр авсан. Одоо орон сууцны нөхцөлөө сайжруулах гээд ахиад би 8%-ийг зээл аваад 3 өрөө байр авч болох уу.

8 хувийн зээлийг нэг өрхөд нэг л олгож байгаа. Та одоо байгаа зээлийнхээ хамтран зээлдэгч нь бол дахин нэмж 8 хувийн зээл олгохгүй

Орон сууцны зээл