​Хашаандаа нийтийн байрнаас илүү тохилог амьдарцгаая.

  • 2014 / 06 / 10

8%-ийн зээл хүссэн хүн бүрт олддоггүй. Дээрээс нь байрны үнэ хадаад, хэр баргийн хүн дийлж авахааргүй болжээ. Бид байнга боловсон орон сууцгүй амьдрах хувь заяатай төрсөн юм гэж үү?
Хэрвээ та газраа өмчилж авсан бол заавал нийтийн орон сууцанд амьдралгүй, өөрийн хашаандаа, өөрийн санаанд нийцсэн зургийн дагуу барьсан байшиндаа боловсон орон сууцнаас илүү тохитой амьдрах нь жаргал биш гэж үү?
Ийм хүсэлтэй хүмүүст банкууд
- Хашаа байшин барих зээл
- Амины орон сууц барих зээл
гэсэн 2 төрлийн зээлийг олгодог юм байна.
Харин эдгээр зээл юугаараа ялгаатай вэ? Хашаа байшин гэж юу вэ? Амины орон сууцнаас юугаараа ялгаатай вэ?
Эхлээд хашаа байшин болон амины орон сууцны ялгааг тайлбарлая.
Гэр хороололд байрлах, эргэн тойрон хашаагаар хүрээлэгдсэн, өөрийн өмчилсөн газар дээр аж ахуйн аргаар барьсан хувийн байшинг хашаа байшин гэнэ.
Гэр хорооллоос бусад өмчлөлийн газар дээр архитектурын зураг төслийн дагуу барьсан, нийтийн инженерийн шугам сүлжээнд холбогдсон эсхүл бие даасан цэвэр, бохир усны болон халаалтын систем бүхий хувийн байшинг амины орон сууц гэнэ.
Товчхондоо инженерийн шугам сүлжээ буюу цэвэр, бохир устай, халаалтын системтэй бол амины орон сууц, үгүй бол хашаа байшин гэж тодорхойлсон байна. Аль аль нь өмчилсөн газартай байх хэрэгтэй юм байна. Энэ ялгааг мэдсэнээр хашаа байшинтай болох уу, амины орон сууцтай болох уу гэдгийг сонгох боломжтой боллоо.
Нэгэнт барьсан байшинг зээлээр худалдан авах тохиолдолд урьдчилгаа мөнгөтэй байхыг шаарддаг бол шинээр байшин барих тохиолдолд урьдчилгааны оронд байшин барих мөнгө эсвэл материалын тодорхой хэсгийг өөрөө гаргах ёстой болдог байна. Мөн байшин нь доорхи шаардлагыг хангасан байх ёстой ажээ.
Хашаа байшин:

  1. Газар болон үл хөдлөх хөрөнгийн өмчлөх эрх улсын бүртгэлд бүртгэгдсэн байх.
  2. Амьдран суух зориулалттай.
  3. Газрын кадастрын зургийн дагуу хашаа баригдсан байх.
  4. Барилгын төсөв, архитектурын план зургийг банкаар хянуулах.
  5. Барилгын төсөвт тусгагдсан ажлын гүйцэтгэл нь банкнаас тогтоосон зээлийн хэмжээнээс багагүй байх ба банкнаас тогтоосон хугацаанаас өмнө барьж дуусган тухайн байшинг өмчлөх эрхийг эрхийн улсын бүртгэлд бүртгүүлж, банкинд барьцаалуулах боломжтой байх.

Амины орон сууц:

  1. Газар болон үл хөдлөх хөрөнгийн өмчлөх эрх улсын бүртгэлд бүртгэгдсэн байх.
  2. Амьдран суух зориулалттай.
  3. Газрын кадастрын зургийн дагуу хашаа баригдсан байх.
  4. Барилгын төсөвт тусгагдсан ажлын гүйцэтгэл нь Банкнаас тогтоосон хэмжээнээс багагүй байх ба банкнаас тогтоосон хугацаанд барьж дуусган тухайн байшинг өмчлөх эрхийг эрхийн улсын бүртгэлд бүртгүүлж, банкинд барьцаалуулах боломжтой байх.
  5. Амины орон сууц нь дулаан, цэвэр, бохир ус, цахилгаан зэрэг нийтийн инженерийн шугам сүлжээнд холбогдох боломжтой байх, эсхүл цахилгаан, дулаан, цэвэр, бохир усны бие даасан системтэй байх ба энэ талаар барилгын төсөвт нарийвчлан тусгагдсан байх.
  6. Амины орон сууцны барилгын ерөнхий төлөвлөгөө гарсан, барилгын зөвшөөрөл, захирамж, инженерийн шугам сүлжээнд холбогдох техникийн нөхцөл, барилга барих зөвшөөрлүүдийг авсан, гүйцэтгэгчтэй ажил гүйцэтгэх гэрээ байгуулсан, гүйцэтгэлийн акт үйлдсэн байх.
  7. Амины орон сууцны архитектурын план зураг, барилгын төсвийг мэргэжлийн төсөвчнөөр батлуулсан байх.

Хашаа байшин барих зээлд тавигдах шаардлага, бүрдүүлэх материалыг эндээс,

амины орон сууц барих зээлд тавигдах шаардлага, бүрдүүлэх материалыг эндээс үзнэ үү?

Жич: Та манай зээлийн зуучлалын үйлчилгээнд хамрагдахыг хүсвэл энд дарна уу. Бид танд хамгийн ашигтай нөхцөлөөр зуучлах болно. Mongo.mn

Санхүүгийн боловсролд

Асуулт, хариулт

сайн байна уу би ажилж бгаа газраа 8жил болж бна нийгмийн даатгал багаар төлдөг өмнө 1сая гаргаад авдаг бсан сүүлийн бараг жил 2,5авдаг болсиймаа хашаа байшингийн зээлд хамрагдах боломж хэр бол хэлж туслаач

Банк ихэнхдээ таны орлогыг НДШимтгэлээс тооцдог тул НДШ бага төлдөг бол танд олгох зээлийн хэмжээ бага гарах магадлалтай. Хэдэн төгрөгийн зээлд хамрагдах боломжтойгоо та http://www.mongo.mn/zeel/zovlogoo хаягаар орж тоожоц үзээрэй.

Сайн байнуу би 35саяд хашаа байшин авах гээд сарын цалин 12000000 гар дээрээ 900000 бол авдаг надад зээл гархуу одоо ямарч зээл байхгүй НД төлдөг 2жилийн өмнө хаан банкнаас зээл аваад төлөөд дуусан муу зээлийн түүхтэй зээл гарах боломж байнуу

Шууд хэлэх боломжгүй. Банкны салбарт хандан судалгаа хийлгэх хэрэгтэй. Монгол банкны ангилал, орлого, хашаа байшингийн үнэ зэргийг судлаад хариу өгнө. Огт боломжгүй зүйл биш

Хоосон хашаа барьцаалсан зээлийг ямар ч банк гаргадаггүй юм уу? Хашаа барьцаалж зээл авахын тулд банк бусд л хандах уу? Хүүхэд асрах чөлөөтэй байгаа ба ажлын газраас НДШ төлөгдөж байгаа. Ийм нөхцөлд хашаа барьцаалаад зээл олгогдох болов уу?

Газар өмчлөх эрхийн гэрчилгээтэй бол банкууд барьцаалж зээл олгож байгаа. Гэхдээ хэдээр үнэлэх вэ гэдэг нь банкны шийдэх асуудал шүү. Харин та ажилдаа эргэж ороогүй байгаа бол банкууд зээл судлахгүй

Хашаа байшингийн зээл