​​ Хорвоо дэлхий уужим, хийх ажил их байна: 4-р хэсэг

  • 2014 / 06 / 18

Гудамжны сонин худалдагчаас дэлхийн нэрт бизнесмен болсон Ким Ү Жүн/Солонгосын Дэү корпорацийг үүсгэн байгуулагч/-ий туулсан амьдралдаа тулгуурлан энэ номыг бичжээ. Энэ ном 43 сая хүн амтай БНСУ-д нэг сая хувь хэвлэгдэн тус орны хэвлэлийн түүхэнд дээд амжилт тогтоосон төдийгүй англи, япон, орос, хятад, испани, мажаар зэрэг олон хэлээр арваад оронд орчуулагджээ.

Ким Ү Жүн өөрийг нь яагаад “ид шидтэн” гэж нэрлэдэг тухай, “ид шидтэн” гэж хэн болох талаар өөрийн бодлоо дурдатгалдаа тэмдэглэжээ.
Зуун метр дээгүүр ганцхан үсрээд гарчихдаг шидтэн бий. Төрөхөөсөө л тийм ид шидтэй төрсөн хэмээн бид эндүүрдэг.
Ким Ү Жүн Солонгост өргөн яригддаг Жугар гэдэг шидтэний тухай түүхийг бусдад сургамжлан ярих дуртай байсан ажээ. Зарим (залхуу) хүмүүс Жугарын энэ чадварыг дээд тэнгэрээс хүч хайрласан, тэр өөр одонд төрсөн, тусгай хүн гэх мэтээр бодож эндүүрдэг. Харин Ким Ү Жүн-ийхээр Жугар хэмээх шидтэн нь 100 м уулан дээр ганц үсрэлтээр заавал ч үгүй гарна гэж шийдээд, үүнд бүх цаг заваа зарцуулсан байна. Жугар анх эрдэнэшишийн ишин дээгүүр харайн гарч, өдөр бүр үсрэх өндрөө бага багаар ахиулжээ. Манайд яригддаг бух, буур өргөдөг хүчтэн эрсийн домогтой төстэй юм уу даа. Өөрөөр хэлбэл хийж байгаа ажилдаа бүхнээ зориулж, түүндээ мэргэшсэн гэсэн үг. Үүнтэй адил одоогийн эрдэмтэн мэргэд, пүүс компанийн эзэд ч адил бусдаас хавьгүй ихээр хөлс хүчээ шавхан дайчилж ажилласан хүмүүс юм. Энэ нь зүгээр сууж, цаг нөхцөөсөн нэгний хувьд хэзээ ч хүрэх боломжгүй, дээд тэнгэрээс заяасан эсвэл өөр одонд төрсөн хүний хэрэг ажээ. Тиймээс Ким Ү Жүн-г Дэү корпорацийг хөл дээр нь босгохын төлөө урсгасан хөлс, зарсан цагийг тооцолгүй зүгээр л “ид шидтэн” гэж нэрлэдэгт өөрөө жаахан эвгүйцдэг байсан гэнэ.
Шалтгаангүй үр дагавар, зорилгогүй амжилт гэж байхгүй.
               Ким Ү Жүн би байнга хавьтаж ойртсон болгондоо мэргэжээд авах юмсан гэж хүсэлдээ хөтлөгддөг хэмээн өөрийнхөө талаар дурсчээ. Ким Ү Жүн дээд сургуулийг эдийн засгийн мэргэжлээр төгссөн боловч анх цуултсан даавууны пүүст ажиллаж эхэлжээ. Цуултсан даавууны талаар бүхнийг мэдэхээр зориг шулуудан 10 жилийн турш цуултсан даавуутай ноцолдсоор байгаад, цуултсан даавууны “ид шидтэн” болж орхижээ. Одоог хүртэл ямар ч хувцасны дотрыг имэрч үзээд, ямар төрлийн даавуугаар, ямар технологи ашиглан, ямар дамжлагаар хийснийг мэддэг “шидтэн” болжээ.
               Түүгээр ч зогсохгүй суурь машин, автомашин, санхүү, хөлөг онгоц бүүр зочид буудлын талаар хүртэл “шидтэн” гэгдэх хэмжээнд хүрчээ.
Ид шидтэн хийгээд, эгэл хүний хооронд ялгаа үгүй. Ялгаа нь эзэмшсэн чадвартаа л байдаг. Чадвар эзэмшихийн тулд түүндээ мэргэшиж, бүх хүч чадлаа дайчлан ажиллах нь зүйтэй. Харин хүний чадварт хязгаар гэж үгүй. Харин чадвараа үргэлж ирлэн хурцалж, сонгосон ажилдаа улайран мэрийдэг байвал хүн бүр ИД ШИДТЭН болж чадна.
Мэргэжлийн хүний хэмжээнд хүрэхийг мэрийсний дүнд Ким Ү Жүн-ий мэргэжлийн хүрээ өргөжин тэлсэн байна. Өөрийн ажиллагсдын нүүр царайны байдал, ярианы өнгөнөөс тэр хүн ажлынхаа талаар бүрэн судалгаа, мэдлэгтэй эсэхийг төвөггүй ялган салгаж, нэг хоёр асуултаар мэргэжлийн хүн мөн үү, биш үү гэдгийг хялбархан мэдэх болжээ. Хүн таньж мэдэх талаар ч зэгсэн нарийн мэргэшжээ. Одоо та Ким Ү Жүн-ийг ДАЛДЫГ ХАРАГЧ гэх үү?
Зорилго тавиад, мэрийн зүтгэвэл амжилт заавал ирнэ. Зүтгэлгүй ид шидтэн байхгүйтай адил.
ШАЛТГААНГҮЙ ҮР ДАГАВАР, ЗОРИЛГОГҮЙ АМЖИЛТ ҮГҮЙ

Хорвоо дэлхий уужим, хийх ажил их байна 1-р хэсэг

Хорвоо дэлхий уужим, хийх ажил их байна 2-р хэсэг

Хорвоо дэлхий уужим, хийх ажил их байна 3-р хэсэг


Санхүүгийн боловсролд

Асуулт, хариулт

Орлого нотлохдоо хар дэвтрээс өөрөөр яаж нотлох вэ

Хариулт: Бизнесийн орлоготой хүмүүсийн хувьд татвар төлсөн баримт, татварын цэнхэр дэвтрээр орлогоо нотлохыг сүүлийн үед банкууд шаарддаг болсон. Үүнээс гадна доорх баримтуудыг нэмж үзүүлэх боломжтой. Үүнд:

1.Банкны дансны хуулга

2.Кассын баримтууд

3.Бараа татан авсан баримтууд

4.Бизнес эрхлэхтэй холбоотой бусад бичиг баримтууд

5.Эсвэл хар дэвтэр

Sain baina uu manaih huwiaraa biznes erheldel sardaa 20-30 say togrogniie orlogtoi tsewer ashig maani 6-7 say baidag 50-100 say togrognii zeeel awah hvseltei bgaa yum bolomjtoi yu Heden togrognii zeeliig hedii hugatsaatai sard heden togrognii tololt hiiheer awch boloh we.... hariu ogno vv bayrlalaa

Бизнесийн зээлийг банкуу харьцангуй урт хугацаагаар олгож байгаа. Банкуудын бизнесийн зээлийн талаар дэлгэрэнгүй мэдээллийг та http://www.mongo.mn/z/1225 хаягнаас үзэх боломжтой.

Хэрэв та 3 жилийн хугацаагаар сарын 2 хувийн хүүтэй 50 сая төгрөг зээлбэл сард 1,9 сая, 75 сая төгрөг зээлбэл сард 2,9 сая, 100 сая төгрөг зээлбэл сард 3,9 сая төгрөг төлөх болно. Аль аль нь таны сарын цэвэр ашгийн 60 хувиас бага байгаа тул банк танд зээл өгөх боломжтой.

Гэхдээ та орлогоо нотлох, мөн барьцаа хөрөнгөтэй байх шаардлага тавигдана.

Сайн байна уу? Нөхөр бид 2 хавраас хашаа байшин худалдаж авах гэсэн юм. Урьдчилгаа 15 сая төгрөгтэй 30 сая төгрөгийн хашаа байшин барих төлөвлөгөөтэй байгаа. Бид 2 2уулаа хувиараа ажилладаг. Орлого нотлох боломжтой. Би банканд 2сая төгрөгний цалингийн зээлийн үлдэгдэлтэй. Хавар дуусах байх. Энэ тохиолдолд 15 сая төгрөг зээлэх боломж байгаа болов уу? Бид 2 сарын 3 сая төгрөгний орлоготой.

Та манай "Хашаа байшингийн зээл" хэсгээр ороод "Би зээл авах боломжтой юу" гэсэн үйлчилгээнд хамрагдаж нарийн тооцоолол хийлгэнэ үү.

Эсвэл 

https://docs.google.com/forms/d/e/1FAIpQLSdc-he3de...

хаягаар орж мэдээллээ бөглөн тооцоолол хийлгэж болно

Бизнесийн зээл