​Банк таны бодож байснаас өөр дүнтэй хүү нэхдэг үү?

  • 2014 / 04 / 23

Өнөө үед бараг хүн бүр л зээлтэй байдаг. Хүн бүр л өөрийгөө зээлийн хүүг тооцох чадвартай гэж үздэг. Таныг зээл авч байх үед банк сар бүр төлөх зээл болон хүүгийн хуваарийг гаргаж өгдөг. Бүр нарийвчилбал сар бүрийн хэдний өдөр төлөхийг хүртэл заасан байдаг. Гэтэл хүмүүс амьдрал дээр зээлээ төлөхдөө энэхүү хуваарьт өдөр нь төлж чадахгүй наана, цаана төлөх явдал нийтлэг байдаг. Үүнээс шалтгаалан дараа дараагийн сарын төлөлтийг хийхэд банк таны бодож байснаас өөр дүнтэй хүү нэхэмжлэх үе гардаг. Энэ нь тэдний буруу биш юм. Банкууд сар бүр хүүгээ тооцохдоо зээлийн үлдэгдлээс тооцдог. Өөрөөр хэлбэл өмнөх сард та зээлээ төлөхөд хэдэн төгрөгийн зээл үлдсэн тэр дүнгээс таны ашигласан хоногоор тооцож дараагийн сарын хүүг боддог гэсэн үг юм. Одоо үүнийг хэрхэн тооцдогийг дараах жишээгээр тайлбарлая.
Жишээ: Болд 2013/11/4-ний өдөр банкнаас 2,000,000 төгрөг, жилийн 10,8% хүүтэй, 12 сарын хугацаатай зээл авчээ. Зээлийн төлөлтийг сар бүр тэнцүү төлнө.
Банк танд зээлийн гэрээ байгуулах үед сар бүр төлөх хуваарийг доорх байдлаар хэвлэж өгдөг. Жишээ болгож эхний гурван сарыг харуулъя.

Он/сар Төлбөр Үндсэн төлбөр Хүүгийн төлбөр Зээлийн үлдэгдэл
12/5/2013 176,922 158,577 18,345 1,841,423
1/3/2014 176,922 161,121 15,801 1,680,302
2/3/2014 176,922 161,509 15,413 1,518,79

Энэ жишээнээс харахад эхний удаа зээлээ төлөхөд 18,345 төгрөг төлөх ёстой харагдаж байна. Энэ нь 2 сая төгрөгийг 31 хоног ашиглаж байгаа тул ийм дүнтэй хүү төлөх ёстой болж байгаа юм. (энэ талаар өмнөх зөвлөгөөнд тодорхой заасан байгаа. Та http://www.mongo.mn/c/120 -с үзнэ үү)
Одоо тэгвэл дараагийн буюу хоёрдох сарын хүүг хэрхэн тооцож байгааг доор тайлбарлая.
Эхний зээлийн төлөлт хийхэд зээлийн үлдэгдэл хэд болсныг юуны өмнө олох шаардлагатай.
Үүний тулд эхний сарын төлөлтийг хийсний дараа үлдэх зээлийн дүн, хоёрдох сард зээлээ ашигласан өдөр зэргийг тус тус олох шаардлагатай.
Дээрх хуваариас харахад эхний сард нийт 176,922 төгрөг төлсөн бөгөөд үүний 18,345 төгрөг нь хүүнд үлдсэн 158,577 төгрөг нь зээлд төлөгдсөн байгаа. Тиймээс эхний сарын төлөлтийг хийсний дараа таны зээлийн үлдэгдэл 1,841,423 төгрөг болсон. (Анх авсан зээл болох 2 сая төгрөгөөс 158,577 төгрөгийг хасч энэ дүн гарсан)
Одоо үлдсэн зээлээ дараачийн сард хэдэн өдөр ашигласныг олъё.
2013/12/05-ны өдрөөс 2014/01/03-ныг хүртэл зээлийн ашигласан хоног 29 хоног байна. Эндээс энэ хугацааны ашигласан хоногийн зээлийн хүүгийн төлбөрийг тооцон гаргаж болно.
Зээлийн хүүгийн төлбөр=Зээлийн дүнг*Зарласан хүүгийн хэмжээ/365*ашигласан хоног гэсэн аргачлалаар,
Зээлийн хүүгийн төлбөр=1,841,423*10.8%/365*29=15,801 төгрөгийн хүүг 2 дахь сард төлнө.
Гэх мэтээр дараа дараагийн сарын хүүг бодож гаргана. Эндээс харахад зээлийн үлдэгдэл багасах тусам зээлийн үлдэгдлээс бодогдож буй зээлийн хүүгийн төлбөр багасч байна.
Зээлийн сарын хүүг тооцох өмнөх зөвлөмжийг үзэх бол: http://www.mongo.mn/c/120 дээр дарна уу.

Санхүүгийн боловсролд

Асуулт, хариулт

Орлого нотлохдоо хар дэвтрээс өөрөөр яаж нотлох вэ

Хариулт: Бизнесийн орлоготой хүмүүсийн хувьд татвар төлсөн баримт, татварын цэнхэр дэвтрээр орлогоо нотлохыг сүүлийн үед банкууд шаарддаг болсон. Үүнээс гадна доорх баримтуудыг нэмж үзүүлэх боломжтой. Үүнд:

1.Банкны дансны хуулга

2.Кассын баримтууд

3.Бараа татан авсан баримтууд

4.Бизнес эрхлэхтэй холбоотой бусад бичиг баримтууд

5.Эсвэл хар дэвтэр

Sain baina uu manaih huwiaraa biznes erheldel sardaa 20-30 say togrogniie orlogtoi tsewer ashig maani 6-7 say baidag 50-100 say togrognii zeeel awah hvseltei bgaa yum bolomjtoi yu Heden togrognii zeeliig hedii hugatsaatai sard heden togrognii tololt hiiheer awch boloh we.... hariu ogno vv bayrlalaa

Бизнесийн зээлийг банкуу харьцангуй урт хугацаагаар олгож байгаа. Банкуудын бизнесийн зээлийн талаар дэлгэрэнгүй мэдээллийг та http://www.mongo.mn/z/1225 хаягнаас үзэх боломжтой.

Хэрэв та 3 жилийн хугацаагаар сарын 2 хувийн хүүтэй 50 сая төгрөг зээлбэл сард 1,9 сая, 75 сая төгрөг зээлбэл сард 2,9 сая, 100 сая төгрөг зээлбэл сард 3,9 сая төгрөг төлөх болно. Аль аль нь таны сарын цэвэр ашгийн 60 хувиас бага байгаа тул банк танд зээл өгөх боломжтой.

Гэхдээ та орлогоо нотлох, мөн барьцаа хөрөнгөтэй байх шаардлага тавигдана.

Сайн байна уу? Нөхөр бид 2 хавраас хашаа байшин худалдаж авах гэсэн юм. Урьдчилгаа 15 сая төгрөгтэй 30 сая төгрөгийн хашаа байшин барих төлөвлөгөөтэй байгаа. Бид 2 2уулаа хувиараа ажилладаг. Орлого нотлох боломжтой. Би банканд 2сая төгрөгний цалингийн зээлийн үлдэгдэлтэй. Хавар дуусах байх. Энэ тохиолдолд 15 сая төгрөг зээлэх боломж байгаа болов уу? Бид 2 сарын 3 сая төгрөгний орлоготой.

Та манай "Хашаа байшингийн зээл" хэсгээр ороод "Би зээл авах боломжтой юу" гэсэн үйлчилгээнд хамрагдаж нарийн тооцоолол хийлгэнэ үү.

Эсвэл 

https://docs.google.com/forms/d/e/1FAIpQLSdc-he3de...

хаягаар орж мэдээллээ бөглөн тооцоолол хийлгэж болно

Бизнесийн зээл