​Анх удаа машин лизингээр авах гэж буй хүмүүст өгөх зөвлөгөө

  • 2014 / 04 / 25

Анх удаагаа лизингээр машин авах гэж буй хүмүүст өгөх зөвлөгөө
Лизингээр машин авмаар байна уу? Даанч чухам хаанаас мэдээлэл авах, хэнтэй эхэлж уулзах гээд л анх удаагаа лизингээр машин авах гэж буй хүмүүст өч төчнөөн асуулт, ойлгомжгүй зүйл тулгардаг. Тиймээс бид машин лизингээр авах гээд чухам хаанаас нь эхлэхээ мэдэхгүй байгаа хүмүүст доорх зөвлөгөөг өгч байна.

  • Юуны өмнө машинаа зөв сонгох хэрэгтэй. Өөрийн хэрэгцээндээ ямар машин авбал тохирохыг сайтар бодож сонголтоо хийх нь чухал. Мөн мөнгөний боломж бололцоогоо бас тооцох ёстойгоо мартаж болохгүй. Өөрөөр хэлбэл мөнгөндөө тааруулж сонгох уу, сонголтондоо тохируулж мөнгөө бэлдэх үү гэдгээ шийднэ гэсэн үг. Ажил, гэрийн хооронд хот дотор явах бол бензин бага зарцуулдаг, хөдөлгүүрийн багтаамж багатай, жижгэвтэр машин /prius20,30,40,suzuki twin, toyota duet…/ зүгээр.Харин хот хооронд хөдөө замд ашиглах машин хайж байгаа бол мэдээж туулах чадвар сайтай, тэнхлэг өндөртэй машин авсан нь дээр шүү.
  • Сонирхож байгаа, эсвэл сонгосон машинаа зарж буй газруудаар явж, хаанаас авахаа шийдэх хэрэгтэй.
  • Үүний дараа банкинд хандана. Тухайн машин зарж байгаа байгууллага аль банктай хамтарч машин лизингээр худалдаалж байна, тэр банкинд очно.
  • Тэгээд зээлийн эдийн засагч, эсвэл зээлийн мэргэжилтэнтэй уулзах юм.

Харин танд зөвлөхөд банкны зээлийн мэргэжилтэнтэй уулзахаасаа өмнө зээлийн хүү, урьдчилгаа төлбөр, бүрдүүлэх материал, зээлдэгчид тавьдаг шалгуур зэргийг нь урьдчилаад мэдчихэд гэмгүй. Жишээлбэл та манай сайтын “Машины лизинг” цэсээр орж үзнэ үү. (Хэрэв та шинэ машин хайж байгаа бол энд, хуучин машин лизингээр авах гэж байгаа бол энд дарна уу)

Жишээлбэл: 2014 оны 9 сарын 15-ны байдлаар ХААН банкны машины лизингийн хүү нь хуучин автомашины хувьд сарын 1,75 - 1,4% бөгөөд машины үнийн 15,0 хувийг урьдчилж төлөхийг шаарддаг юм байна.

Хэрэв та 13,5 сая төгрөгийн үнэтэй машин авахаар шийдсэн бол үнийн 15,0% буюу 2,025,000 төгрөгийг өөрөө төлөөд, 11,475,000-ыг зээлэх эрхтэй болно. Зээлийн сарын хүү 1,7% бөгөөд жилийн хүү нь үүнийг 12-оор үржүүлээд 20,4% болж байна. Та энэ нөхцөлөөр тухайн зээлийг 3 жилийн хугацаатай авч болох нь.
Дээрх мэдээллийг л мэдэж байхад та сар бүр төлөх дүнгээ өөрөө тооцож болно. Үүнийг тооцохын тулд нөгөө л “Машины лизинг” цэсэнд байгаа “Сарын төлбөрөө тооцоолох” сонголтоор ороорой.
Энэ тооцоолуур нь маш хялбар бөгөөд 11,475,000 төгрөгийн зээл авсан хүн 3 жилийн хугацаанд сар бүр 428,794 төгрөг төлнө. 

Үүний дараа банкны зээлийн ажилтанаасаа юу юу бүрдүүлж бэлдвэл зохихыг тайлбарлуулж авах хэрэгтэй бөгөөд манай сайтаас үзсэн ч болно. Ингээд ямар материалыг нь хаанаас яаж бүрдүүлэх ёстойгоо мэдсэн болохоор бичиг баримтаа бүрэн бүрдүүлээд машинаа авах л үлдлээ дээ.
Танд амжилт хүсье!  

Жич: Та манай зээлийн зуучлалын үйлчилгээнд хамрагдахыг хүсвэл энд дарна уу. Бид танд хамгийн ашигтай нөхцөлөөр зуучлах болно. Mongo.mn

Санхүүгийн боловсролд

Асуулт, хариулт

Сайн байна уу бэлэн 22сая байгаа юмаа 30аар машин сонирхож байгаа юм заавал урьдчилгаа 30% төлөх ёстой юу эсвэл 70-80% байж болох уу

Болно

Bi Gadaadad baidgiin maa. duudee mashin avch ogh gesiin hamgiin gol ni 40-50 huviin uridchilgaa ni tolood mashinii zeelend hamragdah gesiin. Gadaadiin banknii huulga ar Zeel olgoh uu. Zeel avh bol yaj avh ve.

Гадаад банкны хуулгаар банкнаас авч байсан тохиолдол байхгүй. ББСБ яахыг сайн мэдэхгүй байна

Sain bnu bi tsalin 800-1100 garan awdag gehdee ymarch zeeliin tvvh bhgvi zeeld hamragdaj bgagvi belen 6say bga iimd zeeld hamragdaj bolhuu uridchilgaag ni hiigeed

Ямар төрлийн зээл авах вэ. Ер нь юунд зориулж зээл авахаас хамаарч дор хаяж 6 сар зарим зээлийн хувьд 1 жилээс дээш хугацаанд ажилласан байх, Нийгмийн даатгалын шимтгэл төлдөг байх хэрэгтэй

Машины лизинг