​Урьдчилгаа төлбөргүйгээр машин зээлээр авч болох уу?

  • 2014 / 05 / 06

Дулааны улирал эхэлж аялал, амралтын цаг иржээ. Ийш тийшээ явахад өөрийн унаа машингүй л бол нэг л тав тухгүй санагдана. Амралтаа авч аялахаар төлөвлөж, мөн машин авах юм уу хуучин машинаа зарж солих гэж байна уу? Тэгвэл энэ мэдээлэл танд сонголтоо амархан хийж, шийдвэрээ зөв гаргахад туслах байх гэж итгэж байна. Өмнө нийтлэгдсэн Анх удаа машин лизингээр авах гэж буй хүмүүст өгөх зөвлөгөө-г уншиж тэндээс мөн нэмэлт мэдээлэл авахад илүүдэхгүй шүү.
Арилжааны банкуудад машины лизингийн хүү сарын 2,2-1,5%, зээлийн хугацаа ихэнх банкинд 1,5-3 жилээр байна. Төрийн банк, ХААН, Хас, Худалдаа Хөгжлийн банкинд шинэ автомашин зээлээр авахад 1,7%, хугацаа 3 жил байгааг арай нийтлэг гэж үзээд үүнийг жишээнд орууллаа. ХААН банк зээлийн урьдчилгаа төлбөрийг өөрийн эзэмшлийн үл хөдлөх хөрөнгө барьцаалсан нөхцөлд 0% хүртэл бууруулах боломжтой. Тэгэхээр 100%-ийн зээлээр та машин авч болох юм. Жишээлбэл та ойролцоогоор 20 саяд Ниссан Мурано авахаар шийдэж банкнаас 20 саяыг зээлж өөрийн эзэмшлийн үл хөдлөх хөрөнгө барьцаалаад урьдчилгаагүй дээрх нөхцөлтэй /хүү-1,7%, хугацаа-3 жил/ зээлийн төлбөрт сард 747,354₮ төлөх юм байна. Харин анхаарах зүйл гэвэл Үл хөдлөх хөрөнгө нь өөрийн эзэмшлийн буюу таны нэр дээр бүртгэлтэй байх ёстой. Хэрвээ та урьдчилгаа төлбөрийн 10-20%-ийг өөрөө төлөх асуудалгүй бол Голомт банк мөн үл хөдлөх хөрөнгө барьцаалаад урьдчилгаа 30%-ийг бууруулах юм байна. Та үл хөдлөх хөрөнгө барьцаалсан ч гэсэн зээлээр авч байгаа машинаа мөн банкинд давхар барьцаална.
Бусад банкуудад машины зээлийн урьдчилгаа 10-30%-ийн хооронд байна. Дэлгэрэнгүй мэдээллийг эндээс үзнэ үү.
Хайж байгаа машинаа олоход, ямар машин сонгож авахад тань туслах зорилгоор дараах холбоосуудыг оруулж өглөө.

https://www.moto.mn/

http://autosales.mn/index.php?pid=21

http://www.dahuree.mn/

http://www.avtozar.mn/

http://www.ubcar.mn/cars/search

http://www.automarket.mn/
Эндээс та машинаа сонгосон бол лизингээр авахад хэдэн төгрөгний зээлд сард хичнээнийг төлөхөө энд  дарж тооцоолж үзээрэй.
Машины зээлтэй холбоотой бүрдүүлэх бичиг баримт, тавигдах шаардлага зэргийг хаанаас харах вэ?

www.mongo.mn вебийн машины лизинг -ээр ороод тухайн банкны бүтээгдэхүүний ард байрлах товчийг дарж банк тус бүрийн шаардлага, нөхцөлтэй танилцах боломжтой.

Жич: Та манай зээлийн зуучлалын үйлчилгээнд хамрагдахыг хүсвэл энд дарна уу. Бид танд хамгийн ашигтай нөхцөлөөр зуучлах болно. Mongo.mn

Санхүүгийн боловсролд

Асуулт, хариулт

Сайн байна уу, Би хувийн байгууллагт ажилладаг юма. НД төлөөд 6 сар гаруй болж байна. анх 1.100 цалинтай байж байгаад сүүлийн сар 1.750 болсон. 20 сая гаруй төгрөг зээлж авто машин болон хувьдаа хэрэглэх гэсэн юм боломжтой болов уу. Дээд талдаа хэдэн төгрөг авч болдог юм бол ийм цалинтай. баярлалаа

Банкууд сарын цалингийн дунджийг тооцохдоо сүүлийн 12 сард авсан цалингийн нийлбэрийг 12-д хувааж олдог. Та 6 сар ажилласан тул энэ тооцооллоор сарын дундаж цалин бага буюу 604 мянга гарна. Гарт олгох цалингийн 60 хувиар тооцоход та сардаа 293 мянгөн төгрөг төлөх боломжтой буюу ойролцоогоор 7 сая төгрөгийн зээл авах боломжтой гарах нь. Хэрэв та 12 сараа гүйцээн ажиллавал ойролцоогоор 17 сая төгрөгийн зээл авах боломжтой болно. Урьдчилгаа 4 саяаа бэлдчихвэл та 20 саяын үнэтэй машиныг 12 сар бүтэн ажилласны дараа зээлээр авах боломжтой болох юм.

Sn bnuu bi mashinii zeel awah gesiimaa uridchilgaa 2 say bgaa niigmiin daatgal 6 sar tolson tsalingaa belneer awdag ym zeeleh awah bolomjtoi yuu

Цалингийн орлоготой хүмүүс төлсөн Нийгмийн даатгалаараа орлогоо нотлох боломжтой. Гэхдээ зарим зээлийн ажилтнууд давхар банкны дансны хуулга шаарддаг шүү.

Би 4сая төгрөг төлөөд приус 30 лизинг дэх боломжтой юу өөрөө би НД төлдөггүй орлого сарын 500000

Авах гэж байгаа машины үнийн дүнгийн 20 хувийг урьдчилгаанд төлөх шаардлагатай. Гэхдээ таны орлого НД-аар баталгаажихгүй бол танд банкууд зээл олгохгүй

Машины лизинг