​Та зун хаа нэг тийшээ aялахаар зэхэж байна уу?

  • 2014 / 05 / 26

Хаврын сайхан өглөө. Нар дөнгөж мандаж байлаа. Өглөө эртлэн босож, тагтан дээрээ гараад, алсын бараа харан зогсож байхдаа найзад маань тохиолдож, надад сургамж болсон нэгэн явдал санаанд орлоо.
Өчигдөр орой зуныхаа амралтаар гэр бүлээрээ аялах талаар ярилцаж байтал урьд нь ярьж байсан нэгэн зүйл надад ингээд тулгарч байгааг ухаараад, үл мэдэг инээмсэглэлээ. Аялалын төсвөө эртнээс зохиох үүрэг надад оногдсон юм. Энэ үед л би ямар ч төлөвлөгөө, зорилгогүй амьдарч байгаагаа ухаарах шиг болов.
Нэлээд хэдэн жилийн өмнө. Дөнгөж шинэ жилийн дараахан юм сан. Найзын маань ажлын захирал нь солигдоод, шинээр Герман захирал дөнгөж томилогдож ирээд байлаа. Төд удалгүй цагаан сар болох дөхөж байж. Манайхан юмыг тулгаж шийддэг юм хойно. Цагаан сарын өмнөх 7 хонгоос бүгд цалингийн зээл авах гээд захиралаас гарын үсэг авч эхэлжээ.
Тэгээд манай найзыг ороход захирал нь ауусан нь:

  • Энэ цагаан сар гэдэг баяр жил бүр болдог уу?
  • Тийм
  • Жил бүрийн 2 сард болдог юм уу?
  • Бараг тийм
  • Цагаан сараар их зардал гардаг уу?
  • Нэлээд их зардал гарна
  • Тэгвэл яагаад монголчууд жил бүр болдог нь, хэзээ болдог нь тодорхой, ямар зардал гаргадгаа мэддэг юм бол жилийн өмнөөс сар бүр цагаан сардаа зориулаад, бага багаар мөнгө хадгалж болдоггүй юм вэ?

Ийм яриа болсон байна Сүүлийн асуултанд хариулах үг манай найзад олдоогүй гэсэн. Харин энэ тухайгаа аль болох олон хүнд ярьж явах болсон гэнэ лээ.
Найзынхаа яриаг нэхэн санангаа зуны амралтын төсвөө эртхэн зохиож, хугацааг нь тулгалгүйгээр сар бүр хэдэн төгрөг хурахаар шийдлээ.

Та зун хаа нэг тийшээ аялахаар зэхэж байна уу?

Холбоотой нийтлэл 

1.Цалингийн зээл гэж юу вэ? Цалинтай хүн бүр цалингий зээл авч чаддаг уу?

2.Цалингаа амархан бодох арга

Санхүүгийн боловсролд

Асуулт, хариулт

tsalingiin zeel awhad ymarch bnkan deer ochhod garhuu esweel zaawal gereete bank bhu

Хэрэглээний зээлийн хоёр төрөл байгаа. Нэг нь цалингийн зээл, нөгөө нь өрхийн хэрэглээний зээл. Цалингийн зээл нь таны цалингийн орлогыг барьцаалаад зөвхөн цалингийн зээлийн гэрээтэй байгууллагын ажилтнуудад өгдөг, арай хүү багатай зээл. Хэрэв цалингийн зээлийн гэрээгүй бол өрхийн хэрэглээний зээлийг авах боломжтой. Гэхдээ ямар нэгэн хөрөнгөө давхар барьцаалах шаардлагатай. Та банкуудын цалингийн зээлийн талаар мэдээллийг http://www.mongo.mn/z/1229 энэ хаягаас. Өрхийн хэрэглээний зээлийн мэдээллийг http://www.mongo.mn/z/1230 хаягаар орж тус тус үзээрэй.

Sn bnuu tsalingiin zeel awah gsn ymaa has banknaas tegsen hotiin hariytai ah dvvs ni zaawal owog neg bh ym gn bi uuruu hotod amidardag hayg tur orshin suug

Та орлого болон барьцаа хөрөнгөө өөрийн гэдгийг баталгаажуулж чадаж байвал банк зээл олгоно

sn bnu bi niigemiin daatgal tolood 6 sar blj bga yma zeel garah uu tsalin 750000 awdag niigemiin daatgald 57500 toldog her zeel garah boloo

НД төлөөд 6 сар болсон хүмүүст банкууд хэрэглээний зээл судалж байгаа. Гэхдээ сарын дундаж цалингийн 60 хувиас хэтрүүлэхгүй зээл олгох болно. Дундаж цалингийн хэмжээг тооцохдоо сүүлийн 12 сард авсан нийт цалинг 12-т хувааж олдог. Тань шиг 6 сар ажилласан хүмүүсийн хувьд мөн адил 6 сард авсан нийт цалинг тань 12-д хувааж бодох тул нэг сарын цалингийн дундаж бага гарч, дагаад зээлийн хэмжээ нь бага гарах болно. Та 12 сараа гүйцээж байгаад зээл авбал ийм асуудал үүсэхгүй. Хэрэв та 6 сарын цалингаараа тооцуулбал танд ойролцоогоор 2.5 жилийн хугацаатай 5 сая төгрөгийн зээл гарах болно

Хэрэглээний зээл